Другое выданне кнігі «Беларускі прэм’ер» дапоўнена новымі матэрыяламі, атрыманымі з архіваў Беларусі, Расіі, Канады, ЗША, лістамі і ўспамінамі вядомых культурных і грамадскіх дзеячаў. У кнізе прасочваецца жыццёвы і творчы шлях беларускага опернага спевака Вячаслава Антонавіча Селях-Качанскага (1885-1976), прэм’ер-барытона Марыінскай Імператарскай оперы, пастаноўшчыка першай сучаснай оперы на беларускай мове, стваральніка Беларускай дзяржаўнай харавой капэлы, дырэктара БДТ-1 (тэатра імя Я. Купалы) тэатральнага дзеяча і кампазітара.
Публікуецца шмат цікавых гістарычных дакументаў, унікальных фотаздымкаў, афіш і ілюстрацый.